الخميس، 28 يونيو 2012

يارب انا تعبت .. التدوينة رقم 10

بجد مضايق و مخنوق .. و مش عاوز اسمع  صوت .. غير اني عاوز اخرج من الحياة ..
تعبت بجد و شايف كل حاجة سودا .. مش شايف غير سواد .. كل ما اقول احلم الاقي الحلم سراب ..
ماشي في الدنيا لوحدي .. بفكر في بكره من بدري .. و بكره مش عاوز يعمل حاجة تطلعني من الإكتئاب ..
زمان قولت انا امير و اميرتي حتيجي .. زمان فكرت الدنيا غصب عنها حتجيني  ..
مش انا .. الحصان الخسران .. مش انا .. اللي ارجع ندمان .. مش انا يا زمن. اللي يبقي صح و يتقاله الف غلطان
بصيت النهارده و لقيت الدنيا بقيت رمادي .. كل حاجة في حياتي بقيت اقل من العادي ..
منساش ضحكتي من كام سنة و الناس اللي حبتهم .. منساش شقاوتي و صحابي و لمتهم ..
النهارده انا مخنوق بجد .. و مش مستني من اي حد .. اي رد .. و بقول يارب .. قصر الليل عليا عشان بتعب اوي ..
بتعب من كتر الكلام اللي ممنهوش فايدة .. و بتعب من سؤال شغال عطال و بطال .. ليه دايما بتقلب بواخة .. و كل حاجة فيكي يا  دنيا مستباحة ..!!
اتخنقت و زهقت.. و من الدنيا كلها طهقت .. قلبي شعلقته في الهوا .. ضاع مني إتفاجئت .. ياربي ليه فيه الف مشكلة ..
يارب انا مؤمن بيك .. يارب انا تعبت ..حلها من عندك .. حلها يارب و انا راضي بقدرك ..



هناك 6 تعليقات:

  1. ربنا يحلها يارب ويفكـ ضيقتك .. وخلي عندك أمــل فى ربنا وان شاء الله كل حاجة هتتحل

    ردحذف
  2. اللهمـ اصلح لي شأني كله .. ولا تكلني إلى نفسي طرفة عين

    ردحذف
  3. شكرا ليكم جدا . بس الخاطرة مفيهاش من الواقع يعني :) دي مجرد تدوينة كتبتها في لحظة خنقة صغيرة بس إستغليت اللحظة :)

    ردحذف
    الردود
    1. ربنا يشيل كل خنقة من كل حد علشان أنا بجد مخنوووقة من كل حاجة و بدون سبب 😭😭😭😭💔

      حذف
  4. أزال أحد مشرفي المدونة هذا التعليق.

    ردحذف
  5. أزال أحد مشرفي المدونة هذا التعليق.

    ردحذف